Abstract: L-importanza ta' pubblikazzjoni fuq il-proża u l-politika hija kruċjali anki fl-ambjenti u t-tensjonijiet li ngħixu fihom ta' kuljum, għax toffri analiżi profonda tad-diversi modi kif il-letteratura tista' tgħinna nifhmu u nwettqu bidliet fis-soċjetà tagħna. Essenzjalment, dan li għandek f'idejk huma l-atti konnessi mat-tielet konferenza fi ħdan is-sensiela Lingua-Politik li konna organizzajna fis-27 t'April 2024 meta dakinhar, fil-Valletta Campus, tfajna taħt l-għarbiel lill-proża Maltija bħala niggieża għall-istatus quo politiku u soċjali. Fl-istorja tal-umanità, il-letteratura dejjem kellha rwol ċentrali bħala mezz ta' komunikazzjoni, riflessjoni, u kritika. Il-proża, b'mod speċjali, hija forma ta' espressjoni li tippermetti lill-awturi jesploraw il-kumplessitajiet tal-eżistenza umana, inkluż il-kutrumbajsi tal-poter, b'mod dettaljat u kreattiv. Il-kontribuzzjonijiet f'dawn l-atti jipprovdu ħarsa estensiva lejn kif ix-xogħlijiet letterarji jistgħu jservu bħala strumenti għat-trasformazzjoni politika u soċjali, jekk mhux fil-konkret, tal-anqas fil-ħsieb u l-ġudizzju morali. L-analiżi tal-proża minn perspettiva politika tgħinna nifhmu kif narrattivi differenti jistgħu jiffurmaw l-opinjonijiet pubbliċi, jinfluwenzaw id-deċiżjonijiet politiċi, u jgħinu biex jinħoloq dibattitu dwar kwistjonijiet kurrenti. Permezz ta' studji ta' każi, analiżi tematika, u riflessjonijiet kritiċi, l-awturi ta' dawn l-atti juruna kif il-letteratura tista' tkun forza dinamika għall-bidla u l-maturità politika. ; peer-reviewed
Processing Request
No Comments.